انه اسمي بس عراقي

انة اسمي بس عراقي
ولن عراقي ...... يعني كل شبر برض الوطن

مو  شمالي ........ ولا وسط ........وهم مو  جنوبي
انة ابن بصرة الخيروابن بغداد العزيز وبربيعة العب الجوبي
وبية كل هيبة عراق وهوة ثوبي
ويلي تنشد ....؟؟؟؟؟
ما دريت الكاع حرة
وما دريت بكرم دجلة والفرات بكاعي رون وارتون
ولن عراقي....... يعني كل شبر برض الوطن

ويلي تنشد
صح غريب وروحي تعبانة وغريبة...
واهلي فقرة وفاركت حتى الحبيبة
وصح بعيد.......
بس الاصيل اشلون ينسى درتة ومرضع حليبة
وشما بعدنا وشفنا نكبات ومحن
بس عراقي ........ يعني كل شبر برض الوطن

واسمي يل تنشد علي......وحب علي مغروس بية
بس عراقي وعشت عمري .... احب شعبي وما عرفت الطائفية
وهية فتنة وطائفية ......واجن لينة بكل حقارة وسوء نية
وما اضن مسلم  شريف والعراقي يكفر ويذبح اخية
وهية غيمة صيف بس رشة مزن
ولن عراقي يعني كل شبر برض الوطن
....
ويا عراقي ارجوك فكر بالعقل
هم سمعت بيوم جنة
تقبل اليهوى القتل
ويا عراقي ارجوك خل عدك امل
ويا حضارة وكبرياء
ويا عراقي انتة الاصل
وكافي دمعك ياعراقي اعيونك اهواية بجن
وكافي  اسمك بس عراقي .......
يعني انتة كل شبر برض الوطن
يعني انتة البيك يتباهة الوطن ....