زهيري 2
معاني اوصاف حسنك كلها معنى
وغرام وشوك عدنا كلها معنى
اذا تنشدني شحجي كلها معنى
امعني انتة جمالك ماكو منة
واحسن كرم طبعك ماكو منة
تمنى الطيب وصلك ماكو منى
تمنى ايصير مثلك هيجي طيب
وطعم بشفاك طيب هيجي طيب
تطيب اجروح كلبي هيجي طيب
تطيب اجروحي كلها حتي كلبي
وارخصك عت دليلي حتى كلبي
وقل حزني وية شوفك حتي كلبي
يقل حزني وية شوفك بس لمحتكل
ارتعش جسمي وية جسمك بس لمحتك
ارتعش جسمي بشبكتك بس لمحتك
تلمح ما افتهمتك كلي شنهي
وتريد انهي انة حبك كلي شنهي
عليش اتشن هجومك كلي شن هي
تشن حربك جيوشك ما تصدني
ولو فيلق تحشد ما تصدني
انتلاكة احنة يلسمر ما تصدني
تصد لية يخايب كلبي رادك
وبية ابنار تحرك كلبرادك
ترد هيجي المحاسن كل بردك
تردلي احساني بالشر شنهي دارك
ودليلي ايريد دارك شنهي دارك
وانة اعتب عليك وشنهي دراك
يمن ما تدري كلشي عني كل شي
وحسنك اضن كامل وانتة كل شي
اضن ما تاكل انتة عمي كل شي
اكل روحي ويا كلبي انة قابل
واوافق انة هابل انة قابل
واذا بالحشر رادو انة اقابل
اكول اسرارك انتة كلها معنا
القسم : ديوان الشاعر علي جويد البزوني - الزيارات : [76] - التاريخ : 24/7/2008 - الكاتب : admin |
