العلم موجود بسمك ياعلي

العلم موجود بسمك ياعلي
وانتة اسمك للخلك صدك علم
العين عالي بعلمك انتة للاله
وحاسم الاحكام بيمانك حسم
ولام لا بوجه كل الكافرين
وللمنايا انشوفك انتة مبتسم
والياءياهو القارنك يوم الحراب
والشجاعة مطرزة بكل الجسم
يا شريعة توثقت بيك وعليك
و المسائل دوم يمك تنحسم
يا شهيد بسجدتك وانتة السجود
وحتى يوم الموت ما تهتم شهم
يا مدينة علم تحوي الكائنات
بغيرك انتة الدين صدك ينثلم
يا مغيث الخايف ومنجي اليخاف
والذي ينخاك لا ما ينحرم
وانتة داحي الباب حلال الصعاب
مثلك انتة منين ماكو بالزلم
يلي بيك الشرف يعثر يا نبيل
ويل تفوق الرسل واصحاب العزم
يا ابو العترة الاصل منك يبان
حزام انتة لشيعتك كل الحزم
ومامش بهل الكون يشبهلك قرين
انقارن وياك الخلق هم تنهزم
يا عليم وعالم وعلمك غزير
و العلم من كبتك يطلب علم